Isroilda tank qo‘shinlarida xizmat qilishdan bosh tortgan 80 dan ortiq chaqiriluvchi hibsga olindi

Isroillik 80 dan ortiq chaqiriluvchi tankchi bo‘lib xizmat qilish va mamlakatning Iordaniya bilan chegaradagi Arava sahrosidagi tank qo‘shinlari bazasiga jo‘nashdan bosh tortdi. Tank qismlariga yuborilgan 200 chaqiriluvchidan deyarli yarmi — 86 nafari xizmatdan bo‘yin tovladi, deya xabar beradi “Korrespondent.net”. 

Foto: EPA

Armiya nizomiga ko‘ra, Tel a-Shomerdagi taqsimlash punktidan bazaga jo‘nashdan bosh tortganlar chaqiruv punktida qamoqqa joylashtiriladi. Shundan so‘ng ham belgilangan manzilga borishdan bo‘yin tovlasa, harbiy sudga beriladi. Hozirda ularning yarmi gaupvaxtaga hibsga olindi, qolgan yarmi 4 kundan 20 kun muddatgacha armiya qamoqxonasiga jo‘natildi. 
Isroil armiyasi — SAXAL kadrlar bo‘limi zobiti uzoq yillik xizmati davomida qo‘shinlarning ma’lum bir turida xizmat qilishdan bunchalik ommaviy tarzda bosh tortish holati bilan birinchi marta to‘qnash kelayotganini bildirdi. Armiyadagi manbalar ko‘pchilik chaqiriluvchilar piyoda qo‘shinlarida xizmat qilishga tayyorligi, ammo tank qo‘shinlariga borishni istamasligini ma’lum qildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo