Toshkentda 3-dekabr kuni yomg‘ir yog‘adi va shamol tezligi kuchayadi

O‘zbekistonda 3-dekabr kuni yog‘ingarchilik bo‘lishi mumkin. Bu haqda “O‘zgidromet” markazi xabar bermoqda .

Foto: Facebook / “Molodaya fotografiya Uzbekistana” / Khusnud Asamov

Xabar berishlaricha, 3-dekabrga o‘tar kechasi Qoraqalpog‘iston Respublikasi va Xorazm viloyatida -5…0 daraja sovuq, O‘zbekistonning tog‘li hududlari va Farg‘ona vodiysi viloyatlarida 0…+5 daraja, Toshkent shahrida +5…+7 daraja, Buxoro va Navoiy viloyatlarida +3…+8 daraja, Toshkent, Samarqand, Jizzax, Sirdaryo, Qashqadaryo va Surxondaryo viloyatlarida +4…+9 daraja iliq bo‘ladi.
Shanba kuni kunduzi Farg‘ona vodiysi viloyatlarida +8…+13 daraja, O‘zbekistonning tog‘li hududlari, Qoraqalpog‘iston Respublikasi va Xorazm viloyatida +10…+15 daraja, Buxoro, Navoiy, Toshkent, Samarqand, Jizzax, Sirdaryo viloyatlari va Toshkent shahrida +15…+20 daraja, Qashqadaryo va Surxondaryo viloyatlarida +17…+22 daraja iliq bo‘lishi kutilmoqda.
“O‘zgidromet” axborotiga ko‘ra, 3-dekabrga o‘tar kechasi va 3-dekabr kuni kunduzi Farg‘ona vodiysi viloyatlaridan boshqa O‘zbekistonning barcha hududlarida, xususan, Toshkent shahrida yomg‘ir yog‘ishi va shamol tezligi soniyasiga 17—20 metrgacha kuchayishi mumkin. Farg‘ona vodiysi viloyatlarida tuman tushishi ehtimoli bor.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo