Rossiyada o‘rmonda kabob pishirganlik uchun soliq solinishi mumkin

Rossiyaning Leningrad viloyati qonunchilik kengashi deputati Vladimir Petrov Rossiya Soliq kodeksiga yangi o‘zgartishlar kiritish loyihasini ishlab chiqdi. U o‘rmonda kabob pishirilishi oqibatida o‘t ketishi ehtimoli borligi sabab 500 rubl qiymatida pul yig‘imini joriy etishni taklif qilmoqda. Bu haqda “Izvestiya” yozgan ma’lumotga asoslanib, “Gazeta.ru” xabar bermoqda .

Foto: “Drova-les.ru”

“Yevropada odamlar bizning singari o‘rmonga erkin kirib borib, u yerda istagan ishlarini qila olmaydi, taklif qilinayotgan soliq odamlarni o‘rmondan haydashga qaratilmagan. O‘rmonda bemalol sayr etish, sport bilan shug‘ullanish mumkin, gap u yerda bo‘ladigan pikniklar, axlatlar va yong‘in haqida bormoqda”, — dedi deputat.
Soliq federal o‘rmonlarda ochiq va yopiq olov manbalaridan foydalanuvchilardan olinadi. To‘lovdan Shimol, Sibir va Uzoq Sharqning tub aholisi ozod qilinadi.
Batafsil | Подробно | Read more... Daryo