Xitoyda Gonkong va Meksikadan bo‘lgan ikki narkosavdogar o‘lim jazosiga hukm qilindi

Xitoyning Xunan provinsiyasida Gonkong va Meksikadan bo‘lgan ikki narkosavdogar o‘lim jazosiga hukm qilindi.Ular narkotik moddalarni ishlab chiqarish va sotish bilan shug‘ullangani bildirilmoqda, deya xabar beradi “TASS”.

Foto: Reuters (Arxiv)

Xunan xalq sudi 2-dekabr, juma kuni 2 yilga kechiktirilishi sharti bilan yana ikki o‘lim jazosi chiqardi. Xalqaro jinoiy guruhning boshqa besh a’zosiga 15 yildan umrbod qamoq jazosigacha bo‘lgan hukmlar e’lon qilindi.
Guruh Guyyan uyezdining tog‘li qishlog‘idagi yashirin korxonada 400 kilogrammdan ortiq metamfetamin va 254 kilogramm kofein tayyorlagani aniqlangan. Jinoyatchilar dilerlar va narkomanlarga 100 kilogramm metamfetamin sotishga ulgurgan.
Ma’lumot uchun, Xitoyda o‘lim jazosi berilishi uchun gumonlanuvchidan 50 gramm narkotik topilishi kifoya.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo