Portugaliya terma jamoasi va “Real” hujumchisi Krishtianu Ronaldu yaqinda Nyu-Yorkda, Manxettenning mashhur Beshinchi avenyusida 18,5 million dollarga dang‘illama kvartira sotib oldi. Bu haqda “Nur.kz” xabar bermoqda .
Foto: Warburg Realty
Ronaldu “Real” bilan 2018 yilgacha mo‘ljallangan sharnomasi yakunlangach okean ortiga ko‘chib o‘tish va AQShdagi klublardan birida to‘p surishni niyat qilgan. 18,5 million dollar turadigan kvartiraning qanday o‘ziga xos jihatlari borligini bilishni istaysizmi?
Foto: Warburg Realty
Krishtianu Ronalduning kvartirasi dunyoning eng boy kishilaridan biri, AQSh prezidentligiga nomzodlikka da’vogar Donald Trampga tegishli “Tramp Tauer” osmono‘par binosida joylashgan .
Foto: Warburg Realty
Maydoni 230 kvadrat metrga teng bu koshona oldin Donald Trampning biznesdagi sherigi Alessandro Protoga tegishli bo‘lgan. “Tramp Tauer”ning yuqori qavatida joylashgan apartament 1983-yilda qurilgan, uning interyeri taniqli dizayner Xuan Pablo Moline tomonidan yaratilgan.
Foto: Warburg Realty
3 ta xona va 3,5 ta vanna xonalaridan iborat apartament Manxettendagi istiqomat qilish uchun eng qulay va nufuzli joy hisoblanadi. Krishtianu Ronaldu uchun bunday qimmatbaho koshonani sotib olish cho‘t emas: u 2014-yilning o‘zida salkam 80 million dollar ishlab topgan.
Kvartiraning bunchalik qimmat narxda ekanligi undan ajoyib manzaralarni kuzatish imkoniyati tug‘ilishi bilan izohlansa ajab emas: shimolda—Markaziy park, g‘arbda Gudzon daryosi, janubda esa Manxettenning mashhur binolari.
Foto: Warburg Realty
Bahaybat ikki kishilik karovatga ega shinam yotoqxona.
Foto: Warburg Realty
Kvartiradagi oshxona biroz ensizroq, lekin undan tamaddi qilish uchun kichikroq burchak ham o‘rin olgan.
Foto: Warburg Realty
Uncha katta hajmga ega bo‘lmagan uchinchi xona ish kabineti uchun barpo etilgandek.
Foto: Warburg Realty
Barcha vanna xonalari marmar va ko‘zgular yordamida bezatilgan.
Foto: Warburg Realty
Bu kvartiraning hatto yuvinish xonasidan ham ajoyib manzaralar ko‘zga tashlanadi.
Foto: Warburg Realty
“Tramp Tauer”da istiqomat qiluvchilar binoning o‘zida joylashgan fitnes markazi, kiyimlarni kimyoviy usulda tozalash maskani, restoran va bar xizmatidan foydalanishi mumkin.
Foto: Warburg Realty
Batafsil | Подробно | Read more... Daryo
Top News
-
-
100 yil oldin O‘zbekistonda Qurbon hayiti qanday nishonlangan? Arxiv suratlar.
Arxivlarda o‘zbekistonliklar o‘tgan asrda Qurbon hayitini qanday nishonlaganiga oid fotolar, juda kam bo‘lsa-da, saqlanib qolgan. Asosiy tarixiy...
-
Yevrosiyo bo‘ylab Tinch okeanidan Atlantika okeanigacha – dunyoning eng uzun temiryo‘l yo‘nalishlari qayerda joylashgan?.
2014 yilda Xitoy “Yangi ipak yo‘li” nomi bilan yangi temiryo‘l yo‘nalishi ochdi. Bu yo‘nalish uzunligi 13 052 km bo‘lib, unda poyezd Xitoyning Iu...
-
NYT urush boshidagi Rossiya-Ukraina muzokaralari hujjatlarini e’lon qildi. Ulardan nimalarni bilish mumkin?.
Bu muzokaralar 2022 yil fevral oyi oxiri, mart va aprel oylari davomida Belarus hamda Turkiyada bo‘lib o‘tgandi. Ammo tomonlar kelisha olmagan....
-
O‘zbekistonda 17 iyun kuni kutilayotgan ob-havo ma’lumoti e’lon qilindi.
Toshkent shahrida havo biroz bulutli, vaqti-vaqti bilan o‘zgaruvchan bo‘ladi, qisqa muddatli yomg‘ir yog‘ishi, momaqaldiroq bo‘lishi mumkin..
-
Shveytsariyada qanday bayonotlar yangradi? - tinchlik sammitidan iqtiboslar.
15-16 iyun kunlarida Shveytsariyaning Byurgenshtok kurort shahrida tinchlik sammiti o‘tkazilmoqda. 90 dan ortiq davlatlar o‘z vakillarini...