Shvarsenegger Ollandni Fransiya prezidenti lavozimiga ikkinchi muddatga nomzodini qo‘ymaslik haqidagi qarori bilan tabrikladi

Arnold Shvarsenegger Fransiya prezidenti Fransua Ollandga maktub yo‘llab, uni ikkinchi muddatga nomzodini qo‘ymaslik haqidagi qarori bilan tabrikladi. Bu haqda “Interfaks” xabar bermoqda .

Foto: Reuters

“Fransua, qabul qilingan qaror bilan tabriklayman. Siz xalq va atrof-muhit chempionisiz. Sizni yaxshi ko‘ramiz”, — deyiladi maktubda.
Shvarsenegger haroratning global ko‘tarilishiga qarshi kurashi bilan tanilgan, u butun dunyodagi hukumatlarga uglerod tashlanmalarini kamaytirishda ko‘mak beradigan R20 tashkilotiga asos solgan. 2014-yilda aktyor iqlim bo‘yicha anjumanga tayyorgarlik chog‘ida Olland bilan shaxsan tanishgandi.
Oldinroq Fransua Olland Fransiyadagi bo‘lajak prezidentlik saylovlarida o‘z nomzodini qo‘ymasligini ma’lum qilgandi. Hozirda uning reytingi o‘ta pastligi va Olland mamlakat tarixidagi eng xush ko‘rilmagan prezidentga aylanish xavfi bunga sabab bo‘lgani bildirilmoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo