Italiya bosh vaziri Matteo Rensi iste’foga chiqishini ma’lum qildi

Italiya bosh vaziri Matteo Rensi 5-dekabr, dushanba kuni iste’fo beradi. Bu haqda u konstitutsiyaviy referendumdagi mag‘lubiyatdan so‘ng hukumatning Kiji saroyidagi chiqishi chog‘ida ma’lum qildi, deya xabar beradi “TASS”. 

Foto: EPA

“Bugun respublika prezidentiga iste’fo haqidagi ariza bilan murojaat etaman. Men yutqazdim. Italiya siyosatida hech kim yutmaydi. Shu bilan birga, yutqazmaydi ham. Men sizlarga g‘alaba olib kelolmadim va mag‘lubiyat uchun javobgarligimni tan olaman”, — deya ta’kidladi Rensi. 
Ekzit-pol natijalariga ko‘ra, milliy parlament isloh qilinishiga ovoz berishda ishtirok etganlarning 60 foizga yaqini qarshi chiqdi, 40 foizdan oshiq bo‘lmagani qo‘llab-quvvatladi. 
Muxolifat Rensi hukumati tomonidan taklif etilgan parlament yuqori palatasi — senat vakolatlarini o‘zgartirishga qarshi chiqqan va boshidayoq saylovchilar ham buni yoqlamasa, bosh vazir iste’fo berishini talab qilgandi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo