O‘zbekistonda 2017-yildan alkogol mahsulotlarining minimal narxlari oshadi

O‘zbekiston Respublikasida 2017-yilning 1-yanvaridan boshlab pivodan tashqari boshqa barcha alkogol mahsulotlari uchun ulgurji va chakana savdoning minimal narxlari oshadi. Bu haqda UzDaily xabar bermoqda .

Foto: “Ria56.ru”

Yangi narxlar 29-noyabr kuni Moliya vazirligi hamda Davlat Soliq qo‘mitasining hamkorlikdagi qarori bilan tasdiqlandi.
Qarorga ko‘ra, endi vinoga ulgurji savdodagi minimal narx 1 litri uchun 5,4 ming so‘m (+16,6 foiz), chakana savdoda esa 6,5 ming so‘mni (+16,9 foiz) tashkil etadi.
Aroqning ulgurji savdodagi minimal narxi 1 litri uchun 12,9 ming so‘m (+18,6 foiz), chakana savdoda esa 15,5 ming so‘mdan (+18,7 foiz) iborat bo‘ladi.
Konyakning ulgurji savdodagi minimal narxi 1 litri uchun 17,2 ming so‘m (+19,2 foiz), chakana savdo uchun minimal narx endilikda 1 litr uchun 20,6 ming so‘mni (+18,9 foiz) tashkil etadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo