Fransiya parlamenti Airbnb servisiga 2019-yildan foydalanuvchilar daromadlari haqidagi ma’lumotlarni taqdim etish majburiyatini yukladi

Fransiya parlamentining moliya bo‘yicha komissiyasi Airbnb’ga o‘xshash onlayn-servislarga 2019-yildan soliq organlariga o‘z foydalanuvchilari daromadlari haqidagi ma’lumotlarni taqdim etish majburiyatini yuklaydigan tuzatishni qabul qildi, deb yozadi TJournal.

Foto: Airbnb

Tuzatish muallifi sotsialist deputat Paskal Sherki onlayn-servislar daromadlari kamdan-kam deklaratsiya qilinishi va soliq organlari tomonidan nazorat qilinishini, bu esa yuridik tartibsizlik, nohalol raqobatga hamda davlat tomonidan foydaning qo‘ldan boy berilishiga olib kelishini aytdi.
Tuzatish Fransiya hududida faoliyat olib boruvchi har qanday internet-maydonlarga taalluqlidir. Airbnb servisidan tashqari, Drivy karshering servisi va Leboncoin internet-e’lonlar  saytiga ham soliq ma’lumotlarini taqdim etish majburiyati yuklanadi.
Airbnb — qisqa muddatli ijara uchun qidiruv va reklama joylash uchun maydon.
Batafsil | Подробно | Read more... Daryo