IShID Turkiyaning dunyo bo‘ylab barcha elchixonalariga hujum qilishini ma’lum qildi

IShID terrorchilik guruhi Turkiyaning dunyo bo‘ylab barcha elchixonalariga hujum qilishga va’da berdi. Bu haqda Reuters agentligi IShIDning yangi “rasmiy vakili” Abi al-Hasan al-Muhojirning internetda paydo bo‘lgan audioyozuviga asoslanib ma’lum qildi, deb xabar bermoqda “Kommersant”.

Foto: AFP

Xabarda ta’kidlanishicha, terrorchilar tarafdorlari Turkiya hukumatiga aloqador barcha harbiy, iqtisodiy va tibbiyot muassasalariga hujum qilishga va’da bergan. Biroq audioyozuvning haqiqiyligi hozircha tasliqlanmadi.
Avvalroq Abi al-Hasan al-Muhojir o‘rnini 2016-yilning 30-avgust kuni AQSh tomonidan boshqarilayotgan ittifoqning aviahujumida yo‘q qilingan Abu Muhammad al-Adnani egallab turgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo