Obama Guantanamodagi qamoqxonani “AQSh nufuzi uchun dog‘” deb atadi

AQSh harbiy-dengiz kuchlariga qarashli Guantanamodagi (Kuba) bazada qamoqxonaning saqlanib qolishi mamlakat nufuzidagi dog‘ bo‘lib turibdi. Bu haqda prezident Barak Obama AQSh harbiy-havo kuchlarining Makdil bazasidagi chiqishi chog‘ida ma’lum qildi, deya xabar beradi “TASS”. 

Foto: AP

“Guantanamodagi hibsda saqlab turish obyektini yopish fursati allaqachon kelgan. Shu paytgacha buning amalga oshirilmagani uchun ayb to‘liq Kongress zimmasida. Ular, garchi o‘zimizda xavfli terrorchilar tutib turilgani bu bilan bog‘liq hech qanday muammolar tug‘ilmayotganiga qaramay, lager mahbuslarini AQShga ko‘chirishga qarshilik qilib kelmoqda”, — deya ta’kidladi Obama. 
AQSh prezidentiga ko‘ra, mamlakat Kubada 60 nafardan kamroq kishini hibsda saqlab turish uchun yuz millionlab dollarni ko‘kka sovurmoqda. 
“Agar Kongress bu boradagi qarashlarini o‘zgartirmasa, tarix bunga munosib baho beradi. O‘z navbatida, sha’nimizga tushgan mazkur dog‘ni yo‘qotish uchun qo‘limdan kelgan barcha harakatni amalga oshirishga tayyorman”, — dedi davlat rahbari.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo