Avstraliyadagi hayvonot bog‘i kenguruga musht tushirgan erkakni ishdan bo‘shatmaydi

Avstraliyaning Sidney shahridagi Taronga hayvonot bog‘i itni bo‘g‘ayotgani uchun kenguruga musht tushirgan Greyg Tonkinsni ishdan bo‘shatmaydi. Bu haqda, The Guardian nashriga asoslanib, TJournal xabar bermoqda .

Kadr: YouTube

Dekabr oyi boshida mashhur bo‘lib ketgan video iyun oyida, Tonkins va uning do‘stlari ovda bo‘lganida suratga olingan. Greyg Tonkinsning do‘sti Metyu Amorning aytishicha, uning qilgan ishi kutilmagan bo‘ldi.
“Bu kulguli bo‘ldi, chunki Greyg oramizda eng xotirjami. Uning kenguruga yo‘llagan zarbasidan keyin rosa kuldik”, – dedi Metyu Amor.
The Guardian’ning ta’kidlashicha, Tonkinsning xatti-harakati katta muhokamaga sabab bo‘ldi. Jonzotlarni himoya qiluvchi aktivistlar 6 yildan buyon hayvonot bog‘ida ishlayotgan erkakning haydalishini talab qildi. Shunga qaramay, hayvonot bog‘i rahbariyati Tonkinsni ishdan bo‘shatmaslikka qaror qildi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo