AQShda orbitaga parvoz qilgan birinchi amerikalik shifoxonaga yotqizildi

NASA’ning sobiq astronavti, orbitaga parvoz qilgan birinchi amerikalik Jon Glenn Ogayo shtatida shifoxonaga yotqizildi. Bu haqda CNN telekompaniyasi jurnalistlari ma’lum qildi, deb yozadi “TASS”.

Foto: AP Photo

Ogayo shtati Universiteti qoshidagi tibbiy markazning rasmiy vakili Xenk Uilsonning so‘zlariga qaraganda, 95 yoshli sobiq astronavt onkologik xastaliklarni davolash bo‘limiga joylashtirilgan. Uilson Glennga saraton tashxisi qo‘yilgan-qo‘yilmaganligi, u qanday ahvolda ekanligiga aniqlik kiritmagan.
Muassasa vakilining ma’lum qilishicha, kosmik bo‘shliqning sobiq tadqiqotchisi bir hafta avval shifokorlar nazoratiga o‘tkazilgan.
1962-yilda u amerikalik astronavtlardan birinchi bo‘lib Yer atrofida orbital parvozni amalga oshirgan edi. Parvoz “Merkuriy-Atlas-6” havo kemasida amalga oshirilgan.
Bundan tashqari, Glenn 20 yildan ortiq Ogayo shtati senatori lavozimini egallab kelgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo