Indoneziyada yuz bergan zilzila qurbonlari soni 100 kishidan oshdi

Indoneziya shimolidagi Achex provinsiyasida tungi tanaffusdan so‘ng qutqaruv operatsiyasi davom ettirildi. Hozirgacha mazkur hududda yuz bergan zilzilaning 102 nafar qurboni jasadi topildi, deya xabar beradi “Korrespondent.net”.

Foto: EPA

Oldinroq zilzila oqibatida 92 kishi halok bo‘lgani bildirilgandi .
Tabiiy ofat oqibatlarini bartaraf etish milliy agentligiga ko‘ra, jami jarohatlanganlar soni 700 kishiga yetdi, mingdan ortiq odam boshpanasiz qoldi.
Ekspertlarga ko‘ra, hududdagi binolarning qurilish sifati past bo‘lgani tufayli zilzila keng ko‘lamli vayronagarchiliklar va ko‘p sonli qurbonlarga olib keldi.
Mintaqaga moddiy-texnik buyumlar va tibbiy yordam yetkazishga harakat qilinmoqda, biroq yo‘llardagi katta tiqin bunga xalaqit bermoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo