Malayziyaning “T-Tim” klubi safida sinovdan o‘tayotgan o‘zbekistonlik Pavel Smolyachenko birinchi golini urdi

O‘zining so‘nggi mavsumini O‘zbekiston birinchi divizioniga tushib ketgan “Andijon” safida o‘tkazgan Pavel Smolyachenko Malayziyaning “T-Tim” klubi safida qolish uchun ko‘rikdan o‘tayotgani haqida xabar berilgandi .

Foto: CA

“Championat.asia” nashri ma’lumotiga ko‘ra , Smolyachenko malay klubi safida o‘rtoqlik o‘yinida ishtirok etdi va gol urdi. Mahalliy “Football Plus FC” klubiga qarshi bellashuv “T-Tim”ning 9:1 hisobidagi g‘alabasi bilan yakuniga yetdi.
Uchrashuvda Pavel Smolyachenkoning qancha to‘p surgani haqida ma’lumot yo‘q. Uning goliga qadar jamoadoshlari 6 bor muvaffaqiyat qozonib bo‘lgandi.
Qayd etish kerak, Rossiya milliy terma jamoasidagi o‘yinlari orqali tanilgan Dmitriy Sichev ham “T-Tim” safida ko‘rikda bo‘lib turgandi. O‘rtoqlik o‘yinida u ham o‘z hisobiga gol yozib qo‘yishga muvaffaq bo‘lgan.
Bu ikki futbolchining Malayziyada qolish yoki qolmasligi masalasi hali to‘liq hal etilmagan.
Batafsil | Подробно | Read more... Daryo