Saylovlarda mag‘lub bo‘lgan Gambiya prezidenti saylov natijalarini tan olishdan bosh tortdi

Gambiya prezidenti Yayya Jamme 1-dekabr kuni bo‘lib o‘tgan prezidentlik saylovlari natijalarini tan olishdan bosh tortdi. Bu haqda Reuters agentligi ma’lum qildi, deb yozadi “RBK”.

Foto: LiveInternet

“Tekshirish o‘tkazilgandan so‘ng saylov natijalarini rad etishga qaror qildim. Saylov jarayonida jiddiy qonunbuzilishlarga yo‘l qo‘yilgan”, — dedi u davlat televideniyesiga bergan intervyusida.
Davlat rahbari mamlakatda prezidentlik saylovlarini xudodan qo‘rquvchi va mustaqil saylov komissiyasi boshchiligida qayta o‘tkazishga chaqirdi.
Yayya Jamme Gambiya rahbari lavozimini 22 yil davomida egallab kelgan. U 2001, 2006 va 2011-yillarda qayta saylangan.
Eslatib o‘tamiz, Gambiyada 1-dekabr kuni bo‘lib o‘tgan saylovlarda Birlashgan demokratik partiya nomzodi Adama Berrou g‘olib bo‘lgan edi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo