Braziliya prokuraturasi mamlakatning sobiq prezidentiga nisbatan yangi ayblovlarni ilgari surdi

Braziliya prokuraturasi mamlakatning sobiq prezidenti Luis Inasiu Lula da Silvaga nisbatan mablag‘dan noqonuniy foydalanish, nufuzini suiiste’mol qilish va jinoiy til biriktiruvda ishtirok etish bo‘yicha ayblovlarni ilgari surdi. Bu haqda “TASS” xabar bermoqda .

Foto: EFE

EFE agentligiga ko‘ra, sobiq davlat rahbari 2013—2015-yillarda o‘zining nufuzidan qator kampaniyalar manfaati uchun foydalangan. Jumladan, bu paytda prezident lavozimida bo‘lmagan Silva Braziliya harbiy-havo kuchlari uchun Shvetsiyaning 36 qiruvchi samolyoti xarid qilinishi va avtomobil sanoatiga soliq imtiyozlari qo‘llanishi uzaytirilishiga ko‘mak bergan.
Sobiq prezidentning o‘g‘li Luis Klaudiu Lula da Silvaga nisbatan ham ayblovlar qo‘yilmoqda. Prokuraturaga ko‘ra, unga tegishli LTF Marketing Esportivo kompaniyasiga mijozlari qiruvchi samolyotlar sotib olinishi bo‘yicha muzokaralarda qatnashgan M&M konsalting kompaniyasi tomonidan 2,5 million real (740 ming dollar atrofida) to‘lab berilgan. Mazkur mablag‘ evaziga hech qanday xizmat ko‘rsatilmagan.
Ma’lumot uchun, Luis Inasiu Lula da Silva korrupsiya bilan bog‘liq yana uch jinoiy ish bo‘yicha ayblanuvchi hisoblanadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo