Futbol bo‘yicha O‘zbekiston milliy termasi “Jar”da mashg‘ulot o‘tkazdi (foto)

Samvel Babayan boshchiligidagi O‘zbekiston milliy terma jamoasi 8-oktabr kuni Jahon chempionati—2018 ikkinchi saralash bosqichi, 5-turi doirasidagi Bahraynga qarshi o‘tadigan o‘yin oldidan yig‘in boshladi, deb xabar beradi “Sports.uz”.

Foto: “Sports.uz”

Kecha, 2-oktabr kuni O‘zbekiston termasi mazkur yig‘in doirasidagi ikkinchi mashg‘ulotini o‘tkazdi.

Foto: “Sports.uz”

“Jar” stadionida o‘tayotgan mashg‘ulotlarda hali jamoa to‘liq tarkib bilan shug‘ullanayotgani yo‘q. Boisi yig‘inga chaqirilgan legionerlardan ba’zilari o‘z klublari tarkibida o‘yin o‘tkazishi bois hali terma jamoa ixtiyoriga yetib kelmagan.

Foto: “Sports.uz”

Darvozabonlar alohida mashg‘ulot olib bordi. Ular o‘z ustilarida qattiq ishlashayotgani ko‘rinib turibdi.

Foto: “Sports.uz”

Umuman olganda, mashg‘ulotda hamma yaxshi ishladi. Futbolchilarning kayfiyatlari a’lo darajada. Tarkibga ijrochilar qo‘shilishi davom etmoqda.
Batafsil | Подробно | Read more... Daryo