Ronaldu: Qachonlardir “Oltin to‘p”ni to‘rt marta yutib olaman deb, tasavvur ham qilmagandim

Yilning eng yaxshi futbolchisiga beriladigan “Oltin to‘p” mukofotiga to‘rtinchi marta loyiq topilgan Madridning “Real” klubi va Portugaliya terma jamoasi hujumchisi Krishtianu Ronaldu navbatdagi muvaffaqiyatidan so‘ng o‘z fikrlari bilan o‘rtoqlashdi. Bu haqda “Chempionat” xabar bermoqda .

Foto: Twitter / ‏@Cristiano

“‘Oltin to‘p’ mukofotini to‘rtinchi bor qo‘lga kiritish men uchun sharaf. Ichimdan xuddi birinchi marta g‘olib bo‘lgandek hissiyotlar o‘tmoqda. Orzuim yana ro‘yobga chiqdi. Qachonlardir ushbu sovrinni to‘rt marta yutib olaman deb, tasavvur ham qilmagandim. Juda baxtliman. Fursatdan foydalanib, barcha jamoadoshlarimga, Portugaliya termasiga, ‘Real’ga va mana shu sovrinni qo‘lga kiritishda yordam bergan barchaga tashakkur aytmoqchiman.
Men uchun ham shaxsiy, ham jamoaviy yutuqlar muhim. Har doimgidek bor imkoniyatini ko‘rsatishga harakat qilaman. ‘Real’ bilan sovrinlar yutishga intilaman, chunki bu mening klubim. Shuningdek, juda qiyin bo‘lsa-da, Portugaliya termasi bilan muvaffaqiyatga erishishga harakat qilaman”, – dedi Ronaldu.


Krishtianu Ronaldu qaysi xizmatlari uchun “Oltin to‘p”ga loyiq ko‘rildi?


XXI asrning eng yaxshi futbolchilari (fotogalereya)


Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo