Bosh vazirlikdan ozod etilgan Shavkat Mirziyoyev, portlash xavfi bor samolyotda uchgan Oksana Chusovitina, O‘zbekistonning yangi sog‘liqni saqlash vaziri va kuning boshqa muhim xabarlari

13-dekabrning e’tiborga molik yangiliklari — “Daryo”ning kechki dayjestida.

Foto: O‘zA

1. Shavkat Mirziyoyev 14-dekabr kuni O‘zbekiston Prezidenti sifatida qasamyod qilishi kutilmoqda . U Oliy Majlis palatalari qo‘shma majlisi vaqtida qasamyod qiladi.
2. Oliy Majlis 14-dekabr kuni Abdulla Aripovni bosh vazir sifatida tasdiqlashi kutilmoqda . Ma’lumot uchun, Shavkat Mirziyoyev bosh vazir lavozimidan ozod etilib bo‘ldi .
3. Sodiq Safoyev Senat raisining birinchi o‘rinbosari etib saylandi , Adham Ikromov esa sog‘liqni saqlash vaziriga aylandi . Bundan tashqari, bir deputat (Marg‘ilonga hokim etib tayinlangani uchun) va ikki senator o‘z vakolatlarini topshirdi .
4. Portlash xavfi tufayli Nyu-Yorkda shoshilinch qo‘ngan samolyot bortida Oksana Chusovitina bo‘lgani ma’lum qilindi . “Ertaga ertalab uchishimizni va’da qilishmoqda”, – dedi o‘zbekistonlik gimnastikachi.
5. “Shandong Luneng” bilan shartnoma tuzishi kutilayotgan Odil Ahmedov Pekinda tibbiy ko‘rikdan o‘tishni boshladi . Avvalroq Xitoy klubi o‘zbekistonlik futbolchi uchun 8 million yevro to‘lashi mumkinligi haqida xabar berilgan edi .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo