Shavkat Mirziyoyev va Pyotr Poroshenko o‘zaro hamkorlik masalalarini muhokama qildi

13-dekabr kuni O‘zbekistonning saylangan Prezidenti Shavkat Mirziyoyev ukrainalik hamkasbi Pyotr Poroshenko bilan telefon orqali muloqot qildi. Bu haqda, O‘zAga asoslanib, “Gazeta.uz” xabar bermoqda .

Foto: Ukraina prezidentining matbuot xizmati

Ukraina rahbari Shavkat Mirziyoyevni O‘zbekiston Prezidenti saylovida qo‘lga kiritilgan ishonchli g‘alaba bilan tabrikladi.
Tomonlar turli yo‘nalishlardagi O‘zbekiston-Ukraina munosabatlarini rivojlantirish istiqbollarini muhokama qildi, shuningdek, mintaqaviy va xalqaro siyosatning dolzarb muammolari yuzasidan fikr almashdi.
Davlatlar rahbarlari birinchi galda savdo-iqtisodiy sohada O‘zbekiston va Ukraina orasidagi o‘zaro aloqalar rivojiga qo‘shimcha turtki berish bo‘yicha qo‘shma sa’y-harakatlar yuzasidan kelishuvga erishdi.
Pyotr Poroshenko Shavkat Mirziyoyevni o‘ziga qulay vaqtda Ukrainaga rasmiy tashrif bilan kelishga chaqirdi.
Batafsil | Подробно | Read more... Daryo