Kristofer Nolanning yangi — “Dyunkerk” nomli filmining birinchi treyleri chiqdi (video)

Rejissor Kristofer Nolan (“Muqaddima”, “Interstellar”)ning yangi — “Dyunkerk” nomli filmining birinchi treyleri chiqdi. TJournal xabariga ko‘ra , premyera 2017-yil 19-iyul kuniga mo‘ljallangan.



Film Ikkinchi jahon urushi vaqtida 300 mingdan ortiq ingliz, fransuz va belgiyalik harbiylarni Fransiyaning Dyunkerk shahridan evakuatsiya qilish maqsadida tashkil etilgan “Dyunkerk operatsiyasi” haqida hikoya qiladi.
Bu rejissor Kristofer Nolanning so‘nggi 14 yilda birinchi marta maxsus effektlardan umuman foydalanmay suratga olayotgan dastlabki filmi hisoblanadi.
Filmda bosh rollarni Tom Xardi, Killian Myorfi, Mark Raylens va boshqa aktyorlar ijro etgan. Kartina ssenariysi Nolanning o‘zi tomonidan yozilgan.
OAV ma’lumotlariga ko‘ra, “Dyunkerk” filmi uchun Kristofar Nolan rejissorlarning Gollivud tarixidagi eng katta ikkinchi gonorarini — 20 million funt va kassa yig‘imlaridan taxminan 20 foiz miqdorida daromad oladi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo