Emizish va birinchi marta qo‘shimcha ovqat berish bo‘yicha maslahatlar

Bolalarni ovqatlantirish — nozik va mas’uliyatli mavzu. Hayotining dastlabki davrida bolaga ona suti zarur, axir faqat ona sutigina uni barcha foydali moddalar bilan ta’minlashga va kelajakda turli kasalliklardan himoya qilishga qodir. Emizishning 10 qoidasi, shuningdek birinchi marta qo‘shimcha ovqat berish haqida bizning foydali materialimizdan bilib olishingiz mumkin. Bu material hamma onalar uchun foydali. Rukn homiysi — “Bolalar uchun LINEKS ®”

Foto: LINEKS®

*Yo‘riqnomaning to‘liq matni bilan ushbu havola bo‘yicha tanishishingiz mumkin.
Emizishning 10 qoidasi
Ona suti — bu nafaqat betakror individual tarkibli ovqat va ichimlik, balki rivojlanish demakdir. U go‘dakning hayoti va sog‘lig‘ini ta’minlashga, bola organizmini erta allergiya rivojlanishidan, disbakteriozlardan, infeksiyalardan himoyalashga, turli kasalliklar va modda almashinuvi buzilishining oldini olishga qodir. Emizish bolaning biologik rivojlanishida asosiy bo‘g‘in hisoblanib, chaqaloq va ona o‘rtasida bog‘liqlikni ta’minlaydi.

Foto: LINEKS®

1989-yilda Jahon sog‘liqni saqlash tashkiloti va YuNISEF tomonidan emizish bo‘yicha 10 qadam ishlab chiqilib, u tibbiyot muassasalari, homilador ayollar, yosh onalar va yangi tug‘ilgan chaqaloqlar uchun mo‘ljallangan:

Tibbiyot muassasalari albatta emizish bo‘yicha yozma siyosatga ega bo‘lishlari va bu siyosat har kuni barcha tibbiyot xodimlariga ma’lum qilinishi lozim.
Barcha tibbiyot xodimlari emizish siyosatini amalga oshirish uchun zarur ko‘nikmalarga o‘qitilishlari shart.
Homilador ayollarga emizishning foydasi va mazkur jarayon haqida batafsil ma’lumot berilishi lozim.
Bola tug‘ilganidan so‘ng birinchi 30 daqiqa ichida tibbiyot xodimlari onalarga emizishni boshlashga yordam berishlari shart.
Onalarga qanday to‘g‘ri emizish kerakligini, hatto go‘dak onadan alohida saqlangan holatda ham laktatsiyani qanday qilib saqlab turishni ko‘rsatish zarur.
Agar tibbiy qarshi ko‘rsatmalar bo‘lmasa, yangi tug‘ilgan chaqaloqqa ko‘krak sutidan tashqari hech qanday ovqat yoki ichimlik bermaslik kerak, degan qoidani chuqur o‘zlashtirish zarur.
Ona va bola sutkada 24 soat birga bo‘lishiga doimo amal qilish.
Bola talab qilganda emizishni rag‘batlantirish.
Ko‘krak suti bilan boqiladigan go‘daklarga so‘rg‘ich bermaslik.
Emizishni qo‘llab-quvvatlash guruhlarini tashkil etish va onalarni shu guruhlarga yo‘naltirish.


Foto: LINEKS®

Har yili 1-avgustdan 7-avgustgacha butun dunyoda Emizish Haftaligi o‘tkazilishini bilish muhim. Emizish — emizikli go‘dak uchun ham, yosh ona uchun ham va har bir inson uchun ham favqulodda muhimligi va dolzarbligi bilan ajralib turadigan hodisa.
*Yo‘riqnomaning to‘liq matni bilan ushbu havola bo‘yicha tanishishingiz mumkin.
Birinchi marta qo‘shimcha ovqat berish
Yarim yoshga yaqinlashganda har bir bola uchun shunday vaqt keladiki, faqat ko‘krak sutining yoki sun’iy ozuqaning o‘zi yetarli bo‘lmay qoladi, qo‘shimcha quvvatga, vitamin va mineral moddalarga bo‘lgan ehtiyoj ortadi.
Jahon sog‘liqni saqlash tashkilotining tavsiyalariga ko‘ra, qo‘shimcha ovqat emizikli bolaga 6 oylikda, sun’iy ovqatlantiriladigan bolaga 4—5 oylikda beriladi.

Foto: LINEKS®

Bola birinchi qo‘shimcha ovqatga tayyorligini bildiruvchi belgilar:

Bola ko‘krak suti yoki sutli aralashmaga to‘ymaydi.
Bolaning tug‘ilgandagi vazni ikki baravarga oshdi.
Bola mustaqil o‘tirmoqda.
Bola bir necha hafta davomida kasal bo‘lmadi va emlatilmadi.
Bola kattalarning ovqatiga qiziqish bildirmoqda.
Bola ovqatni yuta oladi.

Qo‘shimcha ovqat berishni qanday to‘g‘ri boshlash kerak

Foto: LINEKS®

1.   Bolani berilgan ovqatning  hammasini yeyishga majbur qilmang. Birinchi marta qo‘shimcha ovqat berishdan asosiy maqsad — qornini to‘yg‘izish emas, balki yangicha ovqat bilan tanishtirish.
2.   Qo‘shimcha ovqat bolaga emizishdan yoki aralashmadan oldin berilsin.
3.   Birinchi marta qo‘shimcha ovqat berish 5 grammdan boshlansin va 3—4 hafta ichida qo‘shimcha ovqat miqdori 150 grammga yetkazilsin.
4.   Oziq-ovqat mahsulotlarini bola ratsioniga ma’lum ketma-ketlikda kiriting.
5.   Yangi oziq-ovqat mahsulotlarini kiritish o‘rtasidagi oraliq vaqt 7 kundan 10 kungacha bo‘lishi kerak.
6.   Qo‘shimcha ovqat berganda bolaning axlatini kuzating. Agar axlati normal bo‘lsa, ertangi kuni qo‘shimcha ovqat miqdorini ko‘paytirish mumkin.
7.   Qo‘shimcha ovqat berishning har bir bosqichida albatta o‘z bolalar shofokoringiz bilan maslahatlashing.
Birinchi marta qo‘shimcha ovqat berishni nimadan boshlash kerak:

Foto: LINEKS®

Qo‘shimcha ovqat berishni bir tarkibli pyurelardan, bolalar uchun sabzavot pyurelaridan, bitta komponent, ya’ni sabzavot yoki mevadan iborat pyuredan, shunindek bir xildagi boshoqli dondan iborat shakarsiz sutsiz bo‘tqadan boshlagan ma’qul.
Qo‘shimcha ovqat mahsulotlari:

Sabzavot pyuresi — 6 oylikdan;
Meva pyuresi — 6 oylikdan;
Bo‘tqalar — 7 oylikdan;
Achitqili sut mahsulotlari — 7—8 oylikdan;
Go‘sht pyuresi — 7—8 oylikdan;
Baliq pyuresi — 9 oylikdan.

*Yo‘riqnomaning to‘liq matni bilan ushbu havola bo‘yicha tanishishingiz mumkin.
Reklama huquqi asosida
Batafsil | Подробно | Read more... Daryo