O‘zbekistonlik murabbiylarga WADA qoidalari va taqiqlangan moddalar ro‘yxati haqida ma’lumot berildi

2016-yilning 14-dekabr kuni O‘zbekiston Milliy paralimpiya assotsiatsiyasi majilislar zalida yengil atletika bo‘yicha Toshkent shahar xalq ta’limi hamda madaniyat va sport ishlari bosh boshqarmalari tassarufidagi Bolalar va o‘smirlar sport maktablari (BO‘SM) murabbiylari uchun o‘quv-seminarlar bo‘lib o‘tdi. Bu haqda tashkilot matbuot xizmati “Daryo”ga ma’lum qildi.

Foto: O‘zbekiston MOQ matbuot xizmati

Seminarda ishtirok etgan 50 nafarga yaqin murabbiylarga yengil atletika sport turining xalqaro musobaqa qoidalari, Paralimpiya o‘yinlariga yo‘llanmalarni qo‘lga kiritish hamda normativlar bajarilish qoidalari haqida, shuningdek, Butunjahon antidoping agentligi (WADA) qoidalari xamda taqiqlangan moddalar ro‘yxati borasida ma’lumot berib o‘tildi.

Foto: O‘zbekiston MOQ matbuot xizmati

Ma’lum qilinishicha, shu kabi o‘quv seminarlar suzish sport turi bo‘yicha 16-dekabr kuni, dzyudo sport turi bo‘yicha esa 20-dekabr kunlari soat 14:00 da O‘zbekiston Milliy paralimpiya assotsiatsiyasi majilislar zalida bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo