Obama: xakerlik hujumlariga javob berilishi haqida Putinni shaxsan o‘zim ogohlantirganman

AQSh prezidenti Barak Obama saylovlarga ta’sir o‘tkazishga urinishning javobi ham borligini va bu haqda u Rossiya yetakchisi Vladimir Putinni ogohlantirganini aytdi, deb yozadi Meduza.

Foto: EPA

“Har qanday xorijiy hukumat bizning saylovlarga ta’sir o‘tkazishga uringan paytda, biz harakat qilishimiz kerak. Va biz o‘zimiz zarur deb topgan paytda va joyda harakat qilamiz ham. Javob yaqqol va omma oldida bo‘lishi mumkin, bunday bo‘lmasligi ham mumkin”, — dedi Obama.
Obamaning milliy xavfsizlik bo‘yicha o‘rinbosari Ben Rods Rossiya va Amerika yetakchisi saylovoldi xakerlik hujumlari borasida sentabrda Xanchjouda bo‘lib o‘tgan G20 sammitida suhbatlashganini ma’lum qildi.
Avvalroq Oq uy prezident saylovlari chog‘ida AQSh Demokratik partiyasi vakillariga uyushtirilgan xakerlik hujumiga Putinning shaxsan o‘zi ruxsat berganligi haqidagi taxminni qo‘llab-quvvatlagan edi.
Markaziy razvedka boshqarmasi versiyasiga ko‘ra, ushbu hujumlardan maqsad Hillari Klinton nomzodini diskreditatsiya qilishdan iborat bo‘lgan, bu esa respublikachi Donald Trampning g‘alaba qozonish imkoniyatini oshirgan.
Rossiya esa xakerlik hujumlariga aloqadorligini rad etdi.
Batafsil | Подробно | Read more... Daryo