Toshkent markazidagi yangi istirohat bog‘i qurilmoqda

Chkalov nomidagi Toshkent aviatsiya ishlab chiqarish birlashmasining sobiq “B” hududida “Anhor — Lokomotiv” attraksionlar bog‘i qurilishi davom etmoqda. Afisha’ning obyekt pasportiga asoslanib ma’lum qilishicha , bog‘da attraksionlardan tashqari yashil hududlar, kafeteriy va sun’iy suv havzalari, shuningdek, sig‘imi ancha katta avtoturargoh bo‘ladi.

Foto: Afisha

Avvalroq park hududida MDHdagi eng katta — umumiy maydoni 12 ming kvadrat metr bo‘lgan kartodrom qurilishi haqida xabarlar paydo bo‘lgandi. Unda 6—12 yosh oralig‘idagi bolalar, 12—20 yoshli o‘smirlar, kattalar uchun hamda ikki o‘rinli kartlar ijaraga berilishi ko‘zda tutilgan.

Foto: Afisha

Bundan tashqari, “ Lokomotiv istirohat bog‘i ”dagi kabi, yangi park hududida ham tarixiy osori-atiqalarning maketlari — O‘zbekiston shaharlarining o‘ziga xos ramzlari paydo bo‘ladi. Masalan, Toshkent teleminorasi, Xivadagi Kalta Minor minorasi, Samarqanddagi Sherdor madrasasi, Andijondagi Bobur xotira majmuasi, Buxorodagi Minorai Kalon, Toshkentdagi kurantlar va Temuriylar tarixi muzeyi maketlari shular jumlasidandir.
Batafsil | Подробно | Read more... Daryo