Tramp Ozarbayjon va Gruziyadagi loyihalarda ishtirok etishdan bosh tortdi

AQShning saylangan prezidenti Donald Tramp Ozarbayjonda mehmonxona qurishdan bosh tortdi va Gruziyada osmono‘par bino barpo etish bo‘yicha loyihadan chiqmoqchi, deb yozadi “RBK”.

Foto: Reuters

Ushbu loyihalarda ishtirok etishi kerak bo‘lgan Trump Organization kompaniyasi huquqiy maslahatchisi Alan Garten aniqlik kiritishicha, milliarderning ushbu qarori developerlar tomonidan litsenziya kelishuvlari bajarilmagani bilan bog‘liq. U loyihalardan chiqishni Trampning inauguratsiyasidan keyin manfaatlar o‘rtasida ziddiyat yuzaga kelishiga yo‘l qo‘ymaslik uchun konservativ optimallashtirish deb atadi.
Ammo Associated Press biznesmenning Ozarbayjondagi loyihadan chiqishi muayyan korrupsiya masalalari paydo bo‘lishi va Ozarbayjonning “pul yuvish uchun qulay mamlakat” sifatida qabul qilinishi fonida yuz berishi mumkinligiga e’tibor qaratmoqda.
Batafsil | Подробно | Read more... Daryo