Pentagon Xitoydan suv osti dronini qaytarib berishni talab qildi

Pentagon Xitoy hukumatidan Janubiy Xitoy dengizida qo‘lga olingan suv osti uchuvchisiz qurilmasini qaytarib berishni talab qildi, deb yozadi “Interfaks”.

“Boudich” kemasi. Foto: Reuters

Pentagon vakili Jeff Devis ma’lum qilishicha, uning Amerikaga tegishli qurilma ekanligini unga tushirilgan belgilardan yaqqol bilish mumkin. AQSh uni o‘ziga qaytarib olmoqchi va kelajakda bunday holatlar takrorlanishi oldini olmoqchi.
Hodisa 15-dekabr, payshanba kuni AQShning saylangan prezidenti Donald Trampning Tayvan statusi va birdam Xitoy siyosatiga nisbatan bildirgan fikrlari fonida yuz berdi . Bundan tashqari, Tramp saylangan prezident sifatida Tayvan rahbaridan telefon qo‘ng‘irog‘ini qabul qilib, diplomatik protokolning muhim detalini buzdi. Bu Xitoyning tashqi siyosati bo‘yicha eng nozik masalalardan birini ko‘taradi.
Shuningdek, Vashingtondagi tahliliy xizmatlardan biri Xitoy Janubiy Xitoy dengizining bahsli hududiga havo hujumiga qarshi qurollarni o‘rnatganini ma’lum qildi.
Pentagon matbuot kotibi Piter Kuk dronni AQShning suveren mulki, uning qo‘lga olinishini esa noqonuniy deb atadi. Shu munosabat bilan AQSh davlat departamenti rasmiy norozilik bildirdi va uni diplomatik kanallar orqali Xitoy tomoniga berdi.
Hodisa 15-dekabr kuni Janubiy Xitoy dengizidagi xalqaro suvlarda “Boudich” tadqiqot kemasi ekipajining ko‘z o‘ngida sodir bo‘ldi. Okeanshunoslar Subik-Bey (Filippin) ko‘rfazidan taxminan 100 km masofada to‘xtagan va o‘zining ikkita suv osti dronini ko‘tarmoqchi bo‘lgan. Shu paytda AQSh kemasini bir necha kun davomida to‘xtovsiz ta’qib qilgan xitoyliklar suvga qayiq tushirib, qurilma yoniga suzib borgan va uni olib ketgan.
Batafsil | Подробно | Read more... Daryo