Ganada Mortal Kombat va “O‘rgimchak-odam” filmlarining mahalliy talqinlari suratga olindi. Bu — haqiqiy dahshat!

G‘arbiy Afrikada joylashgan Gana davlatida Mortal Kombat video-o‘yini voqealari asosida byudjeti juda kichik bo‘lgan film suratga olindi, deya xabar bermoqda Meduza. Mana uning treyleri:



Ganada ikki kinosanoat bor: Ghallywood va Kumawood. Ghallywood’da pul va sifatli filmlarni suratga olish uchun kerakli uskunalar bor. Uning rejissor va ssenariychilari Yevropa va Amerika filmlaridan ilhom oladi, aktyorlari esa ingliz tilida gapiradi.
Kumawood — havaskorlik darajasidagi “qishloq filmlari”dir. Ularning ijodkorlari uskunalar va liboslar uchun yetarlicha pul topa olmaydi, shu sababli ham filmlar juda sifatsiz. Ko‘pincha bu filmlarning ssenariysi ham bo‘lmaydi — aktyorlar chvi tilidagi dialoglarni yo‘l-yo‘lakay o‘ylab topib ketaveradi.
Kumavud filmlari odatda qishloq hayoti haqida hikoya qiladi, biroq ba’zan mashhur fantastik filmlarning voqealarini Gana qishloqlariga ko‘chirish holatlari ham uchrab turadi. Ba’zan shunday mashhur filmlarning bir nechtasi bitta kartinada aralashmaga aylantiriladi.
“O‘rgimchak-odam”ning ganacha talqini:



“Matritsa” va “Bleyd”ning aqlbovar qilmas qorishmasi — “B14” jangari filmi, bosh qahramon — Skorpion ismli ninzya:



Hayratomuz grafikali noma’lum film:



Jangovar amazonkalar, oq tanli sayyohlar va qonxo‘r akulalar ishtirokidagi “Birodar” kartinasi:



Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo