Kanadaliklarga avtomobillarni yalayotgan loslardan ehtiyot bo‘lish tavsiya etildi

Kanada rasmiylari haydovchilarga avtomobillarni yalayotgan loslarga teginmaslikni maslahat berdi. Bu haqda BuzzFeed  ma’lum qildi .

Foto: BuzzFeed

Alberta provinsiyasi hokimiyati oxirgi paytlar mahalliy qo‘riqxonalardan birida istiqomat qilayotgan loslarning jasorati oshgani, ular avtomobillarga yaqinlashib, mashina ustidan tuzni yalab olayotganidan ogohlantirdi.
Tuz yo‘llarga yaxvonlikka qarshi kurashish maqsadida to‘kiladi.

Foto: Twitter / @LaurenKrugel

Haydovchilarga jonivor bilan qarama-qarshilikka bormaslik, ularni itarmaslik va mashinadan tushmaslik tavsiya etildi. Katta los 450 kilogramm tosh bosadi, shu bois odam unga bas kela olmaydi. Boz ustiga, agar jonivor xavf sezsa, odamga hujum qilishi mumkin.
Kanadaliklarga loslardan kamida 30 metr uzoqlikda turish tavsiya etildi. Ularni qo‘rqitish uchun ovoz signalini chalish yoki signalizatsiyani ishga tushirish mumkin.
Batafsil | Подробно | Read more... Daryo