Toyota va Hyundai modellari Yevropadagi eng xavfsiz avtomobillar deb tan olindi

Yevropaning Euro NCAP tashkiloti 2016-yilgi krash-testlarning yakunlarini sarhisob qildi va eng xavfsiz uchta modelni tanladi. Eng yaxshi deb Toyota Prius va Hyundai Ioniq gibridlari, shuningdek, Volkswagen Tiguan kompakt krossoveri tan olindi, deya xabar bermoqda “Motor”.

Foto: “Motor”

Joriy yil Euro NCAP jami 18 ta yangi yengil avtomobil va “og‘ir kvadrotsikllar” tasnifiga kiruvchi to‘rt modelni sinovdan o‘tkazdi. 2016-yilgi sinovlar yangi qoidalar asosida o‘tkazildi, xususan, yakuniy bayonnomaga piyoda oldida favqulodda to‘xtash tizimi testi natijalari ham kiritildi.



Bundan tashqari, Euro NCAP avtomobil ishlab chiqaruvchilar sinov uchun ikkitadan — bazaviy va mavjud barcha xavfsizlik tizimlari bilan ta’minlangan modellarni taqdim etishini ko‘zda tutuvchi “ikki xil reyting”ni tatbiq etdi.

Foto: “Motor”

“Katta oilaviy avtomobil” tasnifida yangi avlod Toyota Prius gibridi g‘olib chiqdi. Euro NCAP vakillarining qayd etishicha, modelning bazaviy versiyasiyoq piyodalarni tanish imkoniga ega va oldma-old to‘qnashuvlar oldini olish tizimini nazarda tutuvchi “Toyota Safety Sense” to‘plami bilan ta’minlangan.

Foto: “Motor”

“Kichik oilaviy avtomobil” yo‘nalishida g‘oliblik Hyundai Ioniq’ga nasib etdi. Euro NCAP modelning faqat gibrid versiyasini test qilgan, biroq, testning yuqori natijalari Ioniq’ning to‘liq elektr versiyasiga ham taalluqli ekanini bildirgan.

Foto: “Motor”

“Eng xavfsiz kichik yo‘ltanlamas” yo‘nalishida birinchilik ikkinchi avlod Volkswagen Tiguan krossoveriga nasib etdi.
Mutaxassislar yangi Mercedes-Benz E-Class’ning natijalari ham “ajoyib” ekanini qayd etib o‘tdi. Ayni vaqtda, bu avtomobilga “Premium-avtomobillar” turkumida birinchilik berilmadi, chunki Euro NCAP bu yil bu turkum bo‘yicha faqat bitta avtomobilni sinovdan o‘tkazdi.
Bundan tashqari, “Katta yo‘ltanlamas”, “Juda kichik avtomobil”, “Miniven”, “Kichik miniven” va “Sportkar” yo‘nalishlari bo‘yicha ham g‘oliblar aniqlanmadi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo