Anqarada Rossiya elchisi o‘ldirildi

Anqaradagi Zamonaviy san’atlar markazida rasm ko‘rgazmasi ochilish marosimida Rossiyaning Turkiyadagi elchisi Andrey Karlovga suiqasd uyushtirildi. Bu haqda Hurriyet nashri xabar bermoqda .

Andrey Karlov. Foto: RFning Turkiyadagi elchixonasi

Ochilish marosimida so‘zga chiqqan Andrey Karlovga qarata noma’lum shaxs o‘q uzdi. Elchi o‘q yeb yiqilgach, jinoyatchi havoga qarata o‘t ochdi, bu vaqt ichida ko‘rgazmaga tashrif buyurganlar tashqariga qochib chiqdi.
Maxsus mo‘ljal politsiya bo‘linmalari bino atrofini o‘rab oldi. Muxbirlarning xabariga ko‘ra, otishma boshlanib ketib, 15–20 marta o‘q ovozi eshitildi. 25 daqiqa davom etgan otishmadan so‘ng suiqasd uyushtirgan jinoyatchi otib o‘ldirilgani ma’lum qilindi. Ammo u Rossiya elchisini ham o‘ldirib ulgurgan edi, deb xabar beradi nashr.

Foto: AP

Jinoyatchi arab va turk tillarida gapirgani aytilmoqda. Jumladan, u “Bu yerdan sog‘ chiqmayman, menga yaqinlashmang” deb baqirgan.
Batafsil | Подробно | Read more... Daryo