O‘zbekiston milliy terma jamoasiga chaqirilmaydigan to‘purar Temurxo‘ja Abduxoliqovning 2016-yilda urgan gollari (video)

2016-yilni Toshkentning “Lokomotiv” futbol klubida o‘tkazgan va raqiblar darvozasiga 22 ta gol urgan hujumchi Temurxo‘ja Abduxoliqov mavsum to‘purariga aylangandi . “Championat.asia” nashri uning shu mavsumda urgan gollaridan tayyorlangan rolikni Youtube sahifasiga joyladi .



Temurxo‘ja Abduxoliqov yil davomida bir nechta gol urgan bo‘lsa-da, O‘zbekiston milliy terma jamoasidan chaqiruv qog‘ozi olmadi. Terma murabbiyi Samvel Babayan Abduxoliqov uning prinsiplariga to‘g‘ri kelmasligini aytib o‘tdi .
Ma’lumot uchun, futbolchilik faoliyatini “Bunyodkor” klubida boshlagan Temurxo‘ja Abduxoliqov Samvel Babayan rahbarlik qiladigan “Paxtakor” bilan 2011-yil shartnoma imzolab, uch mavsum shu klub safida to‘p surgandi.
Oliy Liga—2016 yakunida Temurxo‘ja Abduxoliqovga Malayziyaning “T-Tim” klubi qiziqish bildirgani aytildi . Orada “T-Tim” Pavel Smolyachenko , Farhod Tojiyev kabi o‘zbekistonlik futbolchilarni ko‘rik uchun chaqirdi, biroq Temurxo‘janing “T-Tim” safiga yetib borgani borasida ma’lumot chiqmadi.
Futbolchi “Paxtakor” va “Lokomotiv” klublaridan tashqari 2013—2015-yillar davomida Xorvatiyaning “Hayduk Split” futbol klubida ham to‘p surgan.
Batafsil | Подробно | Read more... Daryo