LG SMART TV’ning WebOS 3.0 platformasi qiziqarli kontentlar olamiga taklif etadi

Qachonlardir televizor qarshisiga o‘tirib, ma’lum bir kanallar to‘plamini tomosha qilar edik, bundan ortig‘i esa xayolimizga ham kelmasdi. O‘sha paytlar shuning o‘zi yetarlidek tuyulardi, biroq, aslida odamlar televizor imkoniyatlarining haqiqiy ko‘lamini yaxshi anglab yetmagan. Ehtimol, biz hali-hanuz ularning salohiyatini to‘liq ochib bera olmagandirmiz.

LG Smart TV’ning paydo bo‘lishi hayotning yangicha bo‘yoqlar bilan ifodalanishiga sabab bo‘ldi. Endilikda nafaqat belgilangan vaqtda muayyan bir filmni tomosha qilish mumkin, balki istagan vaqtda internetga ulanib, xilma-xil kontentlarga kirish imkoni ham mavjud. O‘zingiz istagan film, serial, sevimli yangiliklar dasturini tomosha qilishingiz yoki butun oilangiz bilan barcha mamlakatlarda Yangi yil qanday kechishini kuzatishingiz mumkin.
Umuman olganda, hamma narsaning imkoni bor, butun video va audio kontent – Sizning xizmatingizda! Bundan tashqari, uning a’lo sifati sizga xush yoqishi aniq. Ba’zan voqealar ekranda emas, yon-atrofingizda, o‘tirgan xonangizda ro‘y berayotgandek tuyuladi. Ajoyib ovozli tizim bunday hissiyotlarni yanada boyitadi.
Smart TV webOS 3.0 platformasi avvalgilaridan nimasi bilan farq qiladi? Eng avvalo, u Smart TV platformalari orasida eng ko‘p funksiyalisi sifatida e’tirof etiladi, zero uning xususiyatlari barchada katta taassurot qoldiradi. Yangilangan funksional bilan ta’minlangan webOS 3.0 Sizlarni ulkan va xilma-xil qiziqarli kontentlar olamiga taklif etadi.
Platformaning yaqqol ustunligi — foydalanishning qulayligi va oddiyligida. Hatto hech qachon Smart televizorlaridan foydalanmagan inson ham osonlik bilan bu qurilmani tushunib oladi. LG Smart TV qo‘shimcha funksiyalari — Magic Zoom, Magic Mobile Connection va yangilangan Magic Remote pulti esa foydalanuvchilarning imkoniyatlarini sezilarli darajada kengaytiradi.

Magic Zoom yordamida ekrandagi obyektlarni kattalashtirish ancha osonlashdi. Shunisi diqqatga sazovorki, bunda tasvir sifati ham pasaymaydi. Magic Mobile Connection yordamida esa foydalanuvchilar LG TV Plus dasturi orqali o‘z mobil telefonlarini osonlik bilan LG Smart TV’ga ulashlari mumkin. Shu tariqa, televizor ekranida mobil dasturlarni ochish imkoni paydo bo‘ladi.
Smart TV televizorlaringizning imkoniyatlaridan maksimal ravishda bahramand bo‘lish uchun ishlab chiqaruvchilar Magic Remot pultini yangiladi. Unga boshqaruvni yengillashtirish maqsadida qo‘shimcha tugmalar qo‘shildi. Yangilangan pult o‘z funksionaliga ko‘ra, kompyuter sichqonchasi bilan bellasha oladi.
Reklama huquqi asosida
Batafsil | Подробно | Read more... Daryo