Yevrokomissiya Facebook’ni WhatsApp bo‘yicha kelishuvga oid ma’lumotlarni yashirishda aybladi

Raqobat bo‘yicha Yevropa komissiyasi Facebook kompaniyasiga e’tirozlari ma’lum qilingan bildiruv yubordi. Hujjatda kompaniya 2014-yili WhatsApp messenjerini 19 milliard dollar evaziga xarid qilinishiga oid kelishuv bo‘yicha noto‘g‘ri yoki chalg‘ituvchi ma’lumot berganlikda ayblangan. Bu haqda “Interfaks” xabar bermoqda .

Foto: Trend

“Yevrokomissiyaning dastlabki fikri shundan iboratki, Facebook bizga noto‘g‘ri yoki adashtiruvchi ma’lumot taqdim etgan. Kompaniyada o‘z nuqtai nazarini asoslash va javob berish uchun vaqt bor”, — deya ta’kidladi komissiya a’zosi Margret Vestager.
Facebook Yevrokomissiyaga kelgusi yil yanvari oxirigacha javob yo‘llashi lozim. Agar keltirilgan dalillar komissiyani qoniqtirmasa, kompaniyaga tushumning 1 foizigacha bo‘lgan jarima qo‘llanilishi mumkin.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo