Alibaba yangi qonun tufayli Rossiyada yangiliklar agregatorini yaratishni kechiktirdi

Xitoyning Alibaba Group kompaniyasining mobil bo‘linmasi — Alibaba Mobile Business Group (UCWeb brendi) Rossiyada mobil yangiliklar agregatorini yaratishni 2017-yilga qoldirdi. Bunga, xususan, ushbu sohani tartibga soluvchi yangi qonun sababchi bo‘ldi. Bu haqda UCWeb’ning Rossiyada biznesni rivojlantirish bo‘yicha rahbari Aleks Si ma’lum qildi, deb yozadi “TASS”.

Foto: EPA

O‘zlarining yangiliklar agregatorini yaratish rejalari haqida Alibaba Mobile Business Group’ning Rossiya va MDHdagi mintaqaviy direktori Vinsent Vu ma’lum qilgan edi. Agregator 2015-yil oxirigacha ishga tushirilishi mo‘ljallangan edi.
Ayni paytda ham kompaniyaning UC Browser brauzerida ichki yangiliklar agregatori mavjud, biroq u yangiliklar va ularning moderatsiyasi uchun javob beruvchi sheriklar resurslari asosida ishlaydi. UCWeb Rossiyada yangiliklarni ko‘zdan kechirish uchun alohida mobil dasturni ishga tushirishni rejalashtirmoqda.
Yirik yangiliklar internet-agregatorlarini OAVlarga tenglashtiruvchi Federal qonun 2017-yil 1-yanvarda kuchga kiradi. Hujjatda, xususan, axborot tarqatishda yangiliklar agregatorlari egalariga nisbatan muayyan talablar ilgari suriladi.
Batafsil | Подробно | Read more... Daryo