“Daryo” muharrirlarni ishga oladi

O‘zbekistondagi eng ommabop internet-nashrda ishlashni xohlaysizmi? Dunyo va O‘zbekistondagi so‘nggi yangiliklarni o‘z tengqurlaringizga muntazam yetkazishni-chi?

Foto: “Daryo”

Bizga kuchli muharrirlar kerak!
Vazifalaringiz:

“Daryo” jurnalistlari tayyorlagan xabarlarni chop etilishidan avval tekshirish (musahhih sifatida), tahrir qilish (muharrir sifatida);
“Daryo” jurnalistlari tayyorlagan tarjima xabarlaridagi faktlarni chop etilishidan avval manba bilan qiyoslab tekshirish;
“Daryo” internet-nashri uchun xabar va mualliflik maqolalari yozish;
Chet el internet-nashrlari va axborot agentliklari xabarlarini tarjima qilish;
Facebook, Twitter, “Odnoklassniki” va “Muloqot”dagi “Daryo” guruhlarini o‘zbek tilida yuritish;
va internet-jurnalistikaga bog‘liq boshqa vazifalar.

Bizda:

Oylik: kelishuv asosida;
Yangi, zamonaviy kompyuter;
Yosh, qiziqarli, xushchaqchaq jamoa;
Bepul, mazali tushlik (bay-bay-bay);
Ofisimiz shaharning qoq markazida (“Darxon” biznes-markazida);
Rasmiy mehnat shartnomasi.

Sizga qo‘yiladigan talablar:

O‘zbek va rus tillarini mukammal bilish (ingliz tilini ham bilish — nur ustiga a’lo nur);
Lotin grafikasiga asoslangan o‘zbek yozuvini mukammal bilish;
Yoshingiz: 20 dan 30 gacha;
Oliy ma’lumot (universitetni bitirgan bo‘lishingiz kerak);
Kompyuterda bemalol ishlash;
Toshkent shahri yoki Toshkent viloyati propiskasi (vaqtincha propiska ham bo‘lishi mumkin).

Qiziqdingizmi? U holda:
Quyidagi maqolalarni tarjima qilib, “Daryo” stilistikasiga moslab, bizga yuboring:

https://meduza.io/news/2016/12/22/vlasti-kalifornii-zastavili-uber-ubrat-bespilotnye-avtomobili-s-ulits-proekt-prodlilsya-nedelyu
https://meduza.io/news/2016/12/21/pri-pozhare-v-tatarstane-pogibli-zhivotnye-iz-zooparka

“Daryo” stilistikasi nima?

Qisqa va lo‘nda (160—200 so‘z);
Kirish so‘z va xotima;
20—30 yoshli auditoriya uchun qiziq bo‘lgan mavzu;
Raqamlarga e’tibor;
O‘ziga jalb qiluvchi sarlavha;
Eniga kamida 900 pikselli fotosurat.

Bizning talablarni to‘liq tushunib yetish uchun, iltimos, nashrimizdagi xabarlarni yaxshilab o‘rganib chiqing.
Yuqoridagi talablarni bajargan holda, tarjimalaringizni Microsoft Word formatida, rezyumengiz bilan birga rezyume@simple.uz elektron manziliga yuboring. Tarjimasiz xatlar qabul qilinmaydi va ularga javob berilmaydi.
Ta’kidlash joiz, talablarga javob bermagan tarjimalar ko‘rib chiqilmaydi.
“Daryo” nashri haqida
“Daryo” internet-nashri Simple Networking Solutions MChJga tegishlidir. Kompaniya 2011-yilda tashkil topgan bo‘lib, hozirda “Muloqot” ijtimoiy tarmog‘i, “Daryo” internet-nashri va boshqa saytlarni yuritadi.
“Daryo” nashriga bir oyda 1,5 millionga yaqin kishi tashrif buyuradi. “Daryo” O‘zbekistondagi eng ommabop onlayn-OAV bo‘lib, 2014-yil o‘tkazilgan Milliy UZ domeni internet festivalida ushbu ko‘rsatkich alohida e’tirof etilgan.
Batafsil | Подробно | Read more... Daryo