Xalqaro futbol uyushmasi FIFA terma jamoalarning yangi reytingini e’lon qildi. Reytingning yangi ko‘rinishi tashkilot rasmiy saytidan joy olgan .
Foto: O‘FF
Unga ko‘ra, Samvel Babayan ustozlik qilayotgan O‘zbekiston milliy terma jamoasi 24-noyabr kuni e’lon qilingan reytingda bo‘lgani kabi 62-pog‘onasini saqlab qolgan. O‘shanda jamoa 14 o‘rin pastga sho‘ng‘igandi. Qayd etish kerak, o‘tgan vaqt ichida terma rasmiy va o‘rtoqlik o‘yinlarida ishtirok etmadi.
O‘zbekiston termasining bu ko‘rsatkichi Osiyo mamlakatlari orasida oltinchidir. Qit’ada eng yaxshi natija Karlush Keyrush murabbiylik qiladigan va JCh—2018 saralashida O‘zbekiston bilan bir guruhdan joy olgan Eronga tegishli. Forslar reytingda 29-o‘rindan joy olgan.
Mos ravishda, Janubiy Koreya — 37, Yaponiya — 45, Avstraliya — 47, Saudiya Arabistoni esa 54-o‘rinni egallab turibdi.
Umumiy ko‘rinishda reytingni 1634 ochko bilan Argentina terma jamoasi boshqarib turibdi. Kuchli uchlikni Braziliya va Germaniya yakunlagan bo‘lsa, o‘ntalikdan Chili, Belgiya, Kolumbiya, Fransiya, Portugaliya, Urugvay va Ispaniya joy olgan.
Ma’lumot uchun, O‘zbekiston milliy terma jamoasi qishki yig‘inlar doirasida 2 ta o‘rtoqlik o‘yinida maydonga tushadi. 23-yanvar kuni Amirliklar yig‘ini doirasida Gruziya bilan o‘yin kelishib qo‘yilgan , 12-fevral kungi Armanistonga qarshi o‘yinga esa Turkiya mezbonlik qiladi. Uchrashuvlar sanasi FIFA kunlaridan tashqarida bo‘lgani uchun, ularda katta ehtimol bilan legioner futbolchilar ishtirok etmaydi.
O‘zbekiston milliy terma jamoasining oldindagi ilk rasmiy o‘yini 23-mart kuni JCh—2018 saralashi doirasida Suriyaga qarshi bo‘lib o‘tadi.
Batafsil | Подробно | Read more... Daryo
Related News
Top News
-
Toshkentda xalqaro amaliy ta’lim konferensiyasi bo‘lib o‘tadi.
Toshkent amaliy fanlar universiteti "XXI asr fanlarida nazariy qonuniyatlardan foydalanishning amaliy muammo va yechimlari” mavzusida xalqaro...
-
“Xufyona iqtisodiyotga qarshi kurash illyuziyasi” - Soliq qo‘mitasining rejalari nega tanqidga uchradi?.
Prezident huzuridagi kengash yashirin iqtisodiyotga qarshi qaror loyihasining aksariyat bandlariga qarshi chiqqan. Tadbirkor Faxriddin Ilyosovning...
-
Xitoy Oyning orqa tomonidan tuproq yig‘ish uchun zond uchirdi.
Agar jarayon muvaffaqiyatli yakunlansa, Xitoy Oyning orqa tomonidan namuna olgan birinchi davlatga aylanadi. .
-
Rossiya shakar eksportini vaqtincha taqiqladi.
Rossiya hukumatining rasmiy Telegram-kanalida aytilishicha, shakar eksportini taqiqlash «ichki oziq-ovqat bozori barqarorligini saqlash»ga...
-
Har bir o‘zbekistonlik minishni orzu qilgan avtomobil - GAZ-24 “Volga” ham amerikaliklardan o‘g‘irlanganmi?.
Bir paytlar GAZ-24 “Volga” deyilsa istalgan odam bir entikib qo‘yardi. U SSSRda ko‘pchilikning orzusidagi mashina bo‘lgan. Biroq o‘ta qimmatligi...
-
Ko‘zini yo‘qotgan ukrain askarlari va Tokmakdagi vayrongarchiliklar. Urush suratlari.
Ukrainada urushning 800-kuni o‘tdi..