AQSh maxsus xizmatlari Nyu-Yorkda teraktlar xavfi borligidan ogohlantirdi

AQSh maxsus xizmatlari 22-dekabr kuni bayonot bilan chiqib, Nyu-Yorkning bosh maydoni — Tayms-skverda Yangi yil tantanalari o‘tayotgan paytda teraktlar sodir etilishi tahdidi mavjudligidan ogohlantirdi. Bu haqda “TASS” xabar bermoqda .

Foto: Eventbrite

Federal qidiruv byurosi, Nyu-York politsiya boshqarmasi va AQSh Milliy xavfsizlik vazirligi jamoatchilikka qo‘shma murojaat yo‘lladi.
Bayonotda konkret tahdid yuzasidan biror aniq ma’lumot yo‘qligi tan olindi. Shunga qaramay, xavfsizlik kuchlari Yangi yil tantanalari yolg‘iz harakat qiluvchi jinoyatchilar va ekstremistlar nishoniga aylanishi mumkinligi ta’kidlanmoqda.
“Yolg‘iz bo‘rilar” tomonidan sodir etilgan teraktlarga misol tariqasida AQShning San-Bernardino (Kaliforniya shtati) va Orlando (Florida shtati) shaharlarida, shuningdek, Fransiyaning Nitssa shahrida amalga oshirilgan ommaviy qotilliklar esga olindi.
Batafsil | Подробно | Read more... Daryo