Shavkat Mirziyoyev Qozog‘iston tashqi ishlar vazirini qabul qildi

O‘zbekiston Prezidenti Shavkat Mirziyoyev 23-dekabr kuni mamlakatga ishchi tashrif bilan kelgan Qozog‘iston tashqi ishlar vaziri Yerlan Idrisovni qabul qildi, deya xabar bermoqda “Gazeta.uz” davlat rahbari matbuot xizmatiga tayanib.

Foto: O‘zbekiston Prezidenti matbuot xizmati

Shavkat Mirziyoyev Qozog‘iston rahbariyati va xalqini mamlakat mustaqilligining 25 yilligi bilan qutladi. U mavjud ishonchli va boy O‘zbekiston-Qozog‘iston dialogi ikkala mamlakat va xalqlarning uzoq muddatli manfaatlariga muvofiq kelishini ta’kidladi.
Uchrashuvda ikki mamlakat yaqin qo‘shnilar va vaqt sinovidan o‘tgan sheriklar kabi teng darajada bir-birining va umuman, Markaziy Osiyo mintaqasining xavfsizligi va barqarorligi, baqrqaror iqtisodiy va ijtimoiy taraqqiyoti va gullab-yashnashidan manfaatdor ekanligi qayd etildi.
Shavkat Mirziyoyev va Yerlan Idrisov O‘zbekiston-Qozog‘iston kun tartibidagi barcha masalalar bo‘yicha, birinchi navbatda savdo-iqtisodiy, investitsiyaviy va transport -kommunikatsiya sohalari borasida fikr almashdi.
Tomonlar Abadiy do‘stlik va strategik sheriklik to‘g‘risidagi davlatlararo shartnoma ruhida o‘zaro manfaatli hamkorlikni yanada mustahkamlashga intilishni tasdiqladi.
Batafsil | Подробно | Read more... Daryo