Qozog‘istonlik 7 yoshli bola murakkab matematik misollarni og‘zaki hisoblaydi

Qozog‘istonning Petropavlovsk shahrida yashovchi yetti yoshli Botirxon Sagandikov murakkab matematik misollarni osonlik bilan og‘zaki hisoblaydi. Bu haqda Tengrinews  xabar beradi .

Foto: Tengrinews

Birinchi sinf o‘quvchisi soatni sekundlarga, dollarni tengega o‘gira oladi, biroq buni qanday hisoblab chiqqanligini tushuntirib bera olmaydi.
Botirxonning ota-onasi politsiyada ishlaydi. Zakovatli bola ularni birinchi marta 25 daqiqada 1,5 ming sekund borligini aytib hayratga solgan edi. “O‘shanda u o‘qishni ham, yozishni ham bilmasdi. U boshqa fanlardan biroz orqada qolayotgan bo‘lishi mumkin, biroq matematikani juda yaxshi ko‘radi”, — deydi yosh dahoning onasi Dinara Sagandikova.
Botirxon to‘rtinchi sinf uchun mo‘ljallangan misollarni og‘zaki yecha oladi. U 20 yoshda uylanishini va bu 2028-yilga to‘g‘ri kelishini hisoblab qo‘ygan.
Batafsil | Подробно | Read more... Daryo