Malayziyaning “T-Tim” klubi o‘zbekistonlik yana bir futbolchi — Shavkat Salomovni ko‘rik uchun chaqirib oldi

O‘zbekistonlik futbolchilarga bo‘lgan qiziqishi ortib ketgan Malayziyaning “T-Tim” klubi yakuniga yetgan mavsumni “Buxoro” klubi safida o‘tkazgan Shavkat Salomovni ko‘rikdan o‘tkazish uchun chaqirib oldi. Bu haqda “Championat.asia” sayti xabar berdi .

Foto: “Championat.asia”

Malayziya klubi nima sababdan aynan o‘zbekistonlik futbolchilarga katta e’tibor qaratayotgani ochiqlanmagan. Ayni vaqtda “T-Tim” safida Dilshod Sharofutdinov to‘p suradi. Shavkat Salomovdan oldinroq mazkur jamoa ko‘rigida Pavel Smolyachenko hamda Farhod Tojiyev ham bo‘ldi.

Foto: “Championat.asia”

Taxminlarga ko‘ra, Pavel Smolyachenko ko‘rikdan o‘ta olmay, ortga qaytgan. Ikki yil muqaddam “T-Tim” safida to‘p surgan Farhod Tojiyevning taqdiriga esa oydinlik kiritilmagan.
O‘zbekiston Oliy Ligasi yakuni arafasida “T-Tim” to‘purar futbolchi Temurxo‘ja Abduxoliqovni o‘z safiga qo‘shib olishni istayotgani haqida xabar paydo bo‘lgandi. Malaylar, shuningdek, “Lokomotiv”ning boshqa bir a’zosi Kaxi Maxaradzega ham qiziqib qolgandi.

Foto: “Championat.asia”


Batafsil | Подробно | Read more... Daryo