Sitora Farmonova “Aziya Miks” jamoasi bilan birga KVN chempioni bo‘ldi

Qirg‘izistonning “Aziya Miks” jamoasi KVNning joriy mavsumi chempioniga aylandi. Bu haqda “Quvnoqlar va zukkolar klubi”ning rasmiy saytida ma’lumot berilgan .

Foto: “KVN.ru”

Tanlov finalida besh jamoa ishtirok etdi, qirg‘izistonliklarga “Sparta” (Ostona), “Radio Svoboda” (Yaroslavl), Murmansk shahri termasi va Moskva sirki termalari raqiblik qildi.
Uch bosqich yakunlariga ko‘ra, “Aziya Miks” 10,9 ball, “Sparta” 10,6 ball, Murmansk termasi 10,4 ball, Moskva sirki termasi 10,2 ball, “Radio Svoboda” esa 9,5 ball to‘pladi.

Foto: “KVN.ru”

Qayd etishlaricha, “Aziya Miks” KVN finalida g‘oliblikni qo‘lga kiritgan Osiyoning ilk jamoasi bo‘ldi. Mazkur jamoa tarkibida o‘zbekistonlik aktrisa Sitora Farmonova ham bor edi.
“Ura! Biz chempionmiz! Mening ajoyib jamoamga, Maslyakov (KVN boshlovchisi)ga rahmat!”, — deb yozdi Sitora Farmonova KVNdagi g‘oliblikdan so‘ng Instagram’dagi sahifasida.




Урррррраааа. МЫ ЧЕМПИОНЫЫЫЫЫ!!!!! #АЗИЯМИКС#ЧЕМПИОНЫЫЫЫЫ!!!!#СПАСИБОКВН# спасибо моей прекрасной команде, спасибо Масляков. А. В за все доброе и хорошее????
A photo posted by Actress, Singer (@farmonova) on Dec 23, 2016 at 12:17pm PST



Ma’lumot uchun, aktrisa Sitora Farmonova 2015-yildan Bishkekning “Aziya Miks” jamoasi tarkibida KVN musobaqalarida ishtirok etib kelmoqda . “Men KVN bilan kasallanganman. KVN borida, men hamma narsani: safarlar, gastrollar, tasvirga olish ishlarini qoldiraman yo bekor qilaman”, — deydi aktrisa.


Aktrisa Sitora Farmonova: “Aziya Miks”ning chiqishida O‘zbekistonning ustidan kulingani yo‘q


Bishkekning “Aziya Miks” jamoasi 2011-yilda tuzilgan bo‘lib, 2015-yilda jamoa tarkibi yangilangan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo