OAV: Pan Gi Munni 200 ming dollardan ziyod pora olganlikda ayblashmoqda

BMT bosh kotibi lavozimini tark etayotgan Pan Gi Munni 2005- va 2007-yillarda jami 200 ming dollarga teng pora olganlikda ayblashdi, deb yozadi “TASS”. Bosh kotibning o‘zi bunday ayblovlarni qat’iyan rad etmoqda.

Foto: EPA

Koreyaning Sisa Journal nashri ma’lumotlariga ko‘ra, Pan Gi Mun 2005-yilning bahorida Vyetnam tashqi ishlar vazirining Koreyaga tashrifi sharafiga tashkil qilingan ziyofat chog‘ida 200 ming dollar qabul qilib olgan.
O‘sha vaqtda Koreya Respublikasining tashqi ishlar va tashqi savdo vaziri lavozimida ishlagan Pan Gi Mun Vyetnam delegatsiyasini qabul qilgan, ular orasida nufuzli biznesmen, Taekwang kompaniyasi rahbari Pan Yon Cha ham bo‘lgan. Tadbirkor, go‘yoki, Pan Gi Munga 200 ming dollar porani topshirish maqsadida tashqi ishlar vazirligi qarorgohiga bir soat avvalroq kelgan.
Yana 30 ming dollarni shu biznesmenning o‘zi Pan Gi Munga 2007-yili Nyu-Yorkda, u allaqachon BMTga rahbarlik qilayotgan vaqtda bergan.
Pan Gi Munning o‘zi ushbu ayblovlarni tan olmayapti. U Pak Yon Cha bilan tanish ekanligini butunlay rad etmoqda. “O‘sha tadbirgacha ham, undan keyin ham u bilan tanish bo‘lmaganman”, — dedi BMT bosh kotibi. Pak Yon Cha ham poraxo‘rlik bo‘yicha barcha ayblovlarni rad etdi.
Batafsil | Подробно | Read more... Daryo