Rossiyada Tu-154 aviahalokati munosabati bilan 26-dekabr motam kuni deb e’lon qilindi

Rossiya prezidenti Vladimir Putin Qora dengizga qulagan Tu-154 samolyoti qurbonlari xotirasiga 26-dekabrni umumilliy motam kuni deb e’lon qildi. Bu haqda Meduza xabar bermoqda .

Foto: Meduza

Halokatga uchragan samolyot bortida 92 kishi bo‘lgan. Rossiya Mudofaa vazirligi axborotiga ko‘ra, katta ehtimol bilan, yo‘lovchilarning bari halok bo‘lgan.


Rossiya Mudofaa vazirligining bortida artistlar va telejurnalistlar bo‘lgan samolyoti quladi. 92 kishi halok bo‘ldi. Asosiy ma’lumotlar


Rossiya Mudofaa vazirligining Tu-154 samolyoti 25-dekabr tongida Sochida qayta yonilg‘i olganidan so‘ng, Qora dengizga quladi . Samolyot Moskva viloyatidan Suriyaga uchayotgan edi.
Yo‘lovchilarning aksariyati Aleksandrov nomidagi ashula va raqs ansambli a’zolari bo‘lgan . Bortda, shuningdek, Rossiya “Birinchi kanali”, “NTV” va “Zvezda” telekanallarining tasvirga olish guruhlari ham bo‘lgan.
Rossiya Mudofaa vazirligidan ma’lum qilishlaricha, samolyotda “Adolatli yordam” jamg‘armasi ijrochi direktori Yelizaveta Glinka (Doktor Liza) ham bo‘lgan .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo