“Million” kulgu jamoasi rahbari Davron Kabulov xonanda Kaniza (Shahrizoda Ahmedova)ning ayblovlari ortidan bayonot bilan chiqdi . Facebook’da e’lon qilingan bayonot matnini “Daryo”, kichik tahrirlar bilan, e’tiboringizga havola qiladi.
Davron Kabulov va Kaniza. Foto: “Qalampir.uz” / YouTube
Davron Kabulov, “Million” kulgu jamoasi rahbari:
“Million” jamoasining konserti diski chiqqanidan so‘ng, Kanizaning turmushi buzilish xavfi ostida qolgani, xonanda chuqur iztirobda ekani haqida ijtimoiy tarmoqlarda tarqalayotgan gap-so‘zlar yuzasidan izoh.
Kaniza (Shahrizoda), ochig‘i, sizning bu kabi piarchi ekanligingiz haqida oldin ham eshitgandim, ammo menga aloqasi yo‘qligi uchun ahamiyat bermagandim. Sizga ba’zi savollar bilan murojaat qilmoqchiman.
1. Bitta konsertda har qanday kutilmagan gap aytilishi mumkin, ammo “Million”ning konserti 7 kun 9 seans (!) o‘tkazildi. Shulardan sakkiztasida ishtirok etdingiz. “Sahnada nima bo‘lganidan xabarim yo‘q”, debsiz. Sakkizta seans-a!
Repetitsiyaga kim keldi, quyib qo‘ygandek sizga o‘xshaydigan qiyofadoshingizmi? (“Istiqlol” san’at saroyi xodimlari, “Million” a’zolari guvohlik bera oladi). Suhbat davomida qaysi rasmlar muhokama qilinishini kim bilan gaplashgandim? O‘sha rasmlarni o‘zingiz Telegram orqali administratorimga tashlab berganingiz yodingizdan chiqdimi?
Zalda telefonga suratga olish taqiqlangan edi, faqat sizning yordamchingizga siz ishtirok etgan sahna ko‘rinishini videoga olishga ruxsat berdik (montajda buni ham ko‘rsatishim mumkin). Ertasiga taassurotlaringizni kulib aytib berdingiz. Qaysi vijdon bilan “Xabarim yo‘q!”, deyapsiz?
Shu vaqtgacha konsertlarimizda chiqqan Rayhon, Ulug‘bek Rahmatullayev, Manzura, Jahongir Poziljonov, Jasur Umirovdan istagan odam so‘rasin — konsertdan avval har doim qo‘shiqchilar bilan repetitsiya qilib olganmiz.
2. Konsert o‘tganiga uch oydan (!) oshdi. Shuncha vaqt davomida to‘y-marosimlarda siz bilan ko‘rishdik. Nega disk chiqquniga qadar o‘zimga bir og‘iz bu haqda gapirmadingiz?
3. “Jasur Umirovga o‘xshab arazlab yurmayman, yumorni tushunaman”, deyishga sizni kim majbur qildi? Darvoqe, sizga noto‘g‘ri ma’lumot yetkazishgan ekan — Umirov bilan do‘stona munosabatlar hech qachon uzilmagan.
4. Kaniza eri bilan ajrashish arafasida?! Qaysi eri bilan? Turmush o‘rtog‘im 10 daqiqaga do‘konga chiqsa ham meni xabardor qiladi — pochchamga sakkiz kun davomida qayerga chiqib ketayotganingizni aytmaganmidingiz? Nega eringiz biz bilan bog‘lanmadilar? Bir-biringizni og‘ir vaziyatlarda eshitishga xohish bo‘lmasa, bitta disk bahona turmush oson buzilsa, oila asli bizgacha ham mustahkam bo‘lmagan ekan-da?
5. “O‘zbeknavo”dan tortib, portalgacha arz qilib, hamma axborotni chiqarib bo‘lib, bugun menga qo‘ng‘iroq qilyapsiz: “Gaplashib olaylik”, deb. Ungacha raqamim yo‘qmidi?
Ushbu sahna ko‘rinishi xazm qila olmaganlarga “Million” shunchaki qiziqchilarning konserti emas, shou-dastur qilishga intilishini eslatib o‘tmoqchiman — kutilmagan dialoglar, quloq eshitib o‘rganmagan hazillarni taqdim etishga harakat qilamiz. Hamma o‘rgangan hazillar uchun esa televideniyeda hajviy ko‘rsatuvlar bor.
Kanizaga faqat qo‘shiq ayttirish kerak edi, degan fikrda yurganlar uchun — agar faqat ashula uchun bo‘lsa, Sevara Nazarxon yo Jahongir Otajonovni taklif qilardik. Reper Shohruxga gap yo‘q, “Qo‘shiq aytishga tayyorman, lekin hazil menga yarashmaydi”, deb darhol ochig‘ini aytdi.
Bir paytlar: “Kaniza Shahzodaning konsertiga ko‘chadan chipta sotib olib, rasmga olib, Instagram’ga: ‘Taklif uchun rahmat’, deb yozib qo‘yibdi”, deyishsa ishonmagandim. “Shu qiz o‘zining administratorini qamatgan”, deyishganida ham parvo qilmagandim.
Lekin, ishonchingiz komil bo‘lsin, bu safargisi o‘xshamaydi — boshqa adresga tushib qoldingiz. Sizga omad, muvaffaqiyatlar! Chin dildan. Arzon piarlarga xushim yo‘q. O‘sha gap: “Million”ga kelganingiz uchun tashakkur, bu hol boshqa takrorlanmaydi, degan umiddamiz.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo
Top News
-
Yuridik shaxslar uchun elektr va gaz iste’moliga oshuvchi koeffitsiyent joriy etilishi mumkin .
Yuridik shaxslar uchun belgilangan limitning 10 foizidan ortig‘i miqdorida gaz yoki elektr energiyasi iste’moli uchun oshuvchi koeffitsiyentlar...
-
Если нужна помощь – звоните в службу «112»
Она объединяет экстренные службы МВД, МЧС, Министерства здравоохранения, Национального агентства социальной защиты.
-
Рюдигер: "Агар ғолиб бўлишни истасангиз, "Реал"га ўтинг"
"Реал Мадрид" марказий ҳимоячиси Антонио Рюдигер "қироллик" клубига ўтиши ҳақида гапирди.
-
1 iyun kuni kutilayotgan ob-havo ma’lum qilindi.
«O‘zgidromet» 1 iyun, shanba kuni kuzatiladigan ob-havo to‘g‘risida ma’lumot berdi..
-
Bloger Varlamov Rossiya armiyasini «obro‘sizlantirishda» ayblanmoqda.
Rossiya Federatsiyasi Adliya vazirligi tomonidan «chet el agentlari» reyestriga kiritilgan Ilya Varlamovga qarshi bayonnoma Moskva sudi tomonidan...
-
Vladimir Lenin - zulm saltanatining paydo bo‘lishi.
Lenin XX asrdagi eng mashur siyosiy arboblardan biri hisoblandi. U dunyodagi birinchi sotsialistik davlatining asoschisi va “proletariat dohiysi”...