Namangandagi har bir tumanda “Nuroniylar bog‘i” tashkil etiladi

Namangandagi “Shodiyona” tantanalar majmuasida viloyat hokimligi va viloyat “Nuroniy” jamg‘armasi tashabbusi bilan tashkil etilgan “E’zozdagi keksalar” deb nomlangan tadbirga shahar va tumanlardan 400 nafardan oshiq keksa taklif etildi. Bu haqda “Daryo” mobil muxbiri xabar bermoqda. 

Foto: Temurmalik Vohidov

Viloyat hokimi X. Bozorov to‘planganlarni Konstitutsiya qabul qilinganligining 24 yilligi, kirib kelayotgan Yangi yil bilan qutladi. Piru badavlat, boy hayotiy tajribaga ega otaxon va onaxonlarning o‘git hamda tavsiyalari jamiyat ravnaqiga munosib hissa bo‘lib qo‘shilishini ta’kidladi.
Tadbirda viloyatning har bir tumanida “Nuroniylar bog‘i” tashkil etish haqidagi taklif ma’qullandi. Hozirda viloyat hokimligi tomonidan bu borada maxsus dastur ishlab chiqilmoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo