Fransiyaning “Monpelye” klubi futbolchilari ta’tildan semirib qaytsa, har bir gramm uchun 1 yevrodan to‘laydi

Fransiyaning “Monpelye” klubi bosh murabbiyi Frederik Ants ta’tilga chiqib ketayotgan futbolchilarni nazoratda ushlab turishning yangi uslubini o‘ylab topdi va bunga rahbariyatni ham ko‘ndirdi.

Foto: UEFA

Qishki ta’tilda futbolchilarning ortiqcha vazn to‘plashiga yo‘l qo‘ymaslik maqsadida, ta’tildan qaytgan har bir yigit taroziga tortiladigan va ortiqcha har bir gramm uchun 1 yevrodan soliq solinadigan tizim ishlab chiqildi, deb xabar berdi “Sports.ru”.
“Bor-yo‘g‘i 1 yevro sizga kulguli bo‘lib tuyulmoqdami? Unda 1 kilogrammda 1000 gramm borligi haqida o‘ylab ko‘ring”, — dedi Frederik Ants. Shundan keyin barcha futbolchilarini taroziga taklif qildi va ularning ayni vaqtdagi vaznini yozib oldi.
Ta’tildan vazn tashlab qaytgan futbolchilarga yo‘qotilgan har bir gramm uchun 1 yevrodan beriladimi yoki yo‘q, oydinlik kiritilmagan.
Batafsil | Подробно | Read more... Daryo