Gvatemaladagi ko‘chki qurbonlari soni 131 nafarga yetdi

Gvatemaladagi ko‘chki qurbonlari soni 131 nafarga yetdi. 4-oktabr, yakshanba kuni holatiga ko‘ra, aynan shuncha jasad Santa-Katarina-Pinula shaharchasidagi uy va yer vayronalari ostidan olib chiqilgan. Bu haqda Markaziy Amerikadagi mamlakat bosh prokuraturasi ma’lumotiga asoslanib, “RIA Novosti” xabar bermoqda .

Foto: “RIA Novosti”

Oldinroq ushbu tabiiy ofat natijasida 79 kishi halok bo‘lgani aytilgan edi .
Fojia joyidagi ishlar kech tushgani va yangi falokat keltirib chiqarish ehtimoli bo‘lgan yomg‘ir boshlangani uchun to‘xtatilgan. Bedarak yo‘qolganlar soni 300 nafarni tashkil etmoqda.
Tabiiy ofat o‘tgan haftaning payshanba kuni, 1-oktabrda sodir bo‘ldi. Aholi yashash punkti tumanlarining biriga yaqin tepalikdan tuproq va toshlardan iborat minglab tonnali ko‘chki tushdi. Buzilgan va ko‘chki ostida qolgan uylar soni 125 taga yetdi.
Batafsil | Подробно | Read more... Daryo