Qirg‘iziston prezidentining akasini topib bergan Mirziyoyev, mashina o‘g‘rilariga qarshi keskinlashtirilgan choralar, Shanxayga yo‘l olishi kutilayotgan Odil Ahmedov va kuning boshqa muhim xabarlari

27-dekabrning e’tiborga molik yangiliklari — “Daryo”ning kechki dayjestida.

Foto: “Gazeta.uz”

1. Atambayev: Shavkat Mirziyoyev men 14–15 yil ko‘rmagan akamni topishga yordam berdi . Qirg‘iziston va O‘zbekistonning hozirgi davlat rahbarlari o‘rtasidagi do‘stona munosabatlari 2007-yilda — ular hali o‘z davlatlarining bosh vazirlari bo‘lgan vaqtda boshlangan.
2. O‘zbekistonda avtomobillarni olib qochganlik uchun javobgarlik kuchaytirildi . Transport vositasini o‘g‘irlab ketish avvalgidek 5 yilgacha emas, balki 10 yilgacha ozodlikdan mahrum etilishi mumkin. 10 yil!
3. O‘zbekiston dunyo iqtisodiyotlari reytingida 63-o‘rinni egalladi . Birinchi pog‘onani 60,9 ball bilan Shvetsiya, ikkinchi pog‘onani 59,4 ball bilan Norvegiya va uchinchi o‘rinni 59,2 ball bilan Finlyandiya egalladi.
4. Toshkentdagi Labzak ko‘chasining bir qismi yopildi, yaqin chorrahalarda tirbandliklar kuzatilmoqda . Ko‘chaning yopilishiga “Anhor-Lokomotiv” parkidagi Yangi yil archasi sabab bo‘lgani taxmin qilinmoqda.
5. Oskar va Xalkni osiyoliklar uchun rekord summaga sotib olgan “Shanxay SIPG” Odil Ahmedov borasida muzokara boshladi . Avvalroq Ahmedovga Xitoyning boshqa bir klubi qiziqish bildirayotgani haqida xabar berilgan edi .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ” ( @toshqindaryo )ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo